ﻣﻬﻨﺪﺱ ﺑﺘﺮﻭﻝ ﺗﻮﻓﺖ ﺯﻭﺟﺘﻪ ﻭﺗﺮﻛﺖ ﻟﻪ ﺛﻼﺛﻪ ﻣﻦ ﺍﻻﺑﻨﺎﺀ ﺍﻛﺒﺮﻫﻢ ﻓﻲ ﺛﺎﻟﺜﻪ ﺍﺑﺘﺪﺍﺋﻲ ﻭﺍﺻﻐﺮﻫﻢ ﻋﺎﻣﻴﻦ .... ﻭﺑﻌﺪ ﺿﻐﻂ ﻣﻦ ﺍﻻﺳﺮﻩ ﻟﻠﺰﻭﺍﺝ ﺩﺧﻞ ﺍﻛﺘﺮ ﻣﻦ ﺑﻴﺖ ﻭﻣﻔﻴﺶ ﺣﺪ ﻭﺍﻓﻖ ﻋﺸﺎﻥ ﻣﺴﺌﻮﻟﻴﻪ ﺍﻻﻭﻻﺩ ﺍﻟﺜﻼﺛﻪ ﻭﺧﺼﻮﺻﺎ ﺍﻧﻪ ﻣﺶ ﻣﻮﺟﻮﺩ ﻓﻲ ﺍﻟﺒﻴﺖ ﻣﻌﻈﻢ ﺍﻟﺸﻬﺮ ﻧﻈﺮﺍ ﻟﻈﺮﻭﻑ ﺷﻐﻠﻪ .... ﻓﺒﻌﺪ ﻓﺸﻠﻪ ﻓﻲ ﺍﻧﻪ ﻳﺘﺠﻮﺯ ﻭﻓﺸﻠﻪ ﻓﻲ ﺍﻧﻪ ﻳﺎﺧﺪ ﺍﺟﺎﺯﺍﺕ
ﺍﻛﺘﺮ ﻣﻦ ﺷﻐﻠﻪ .. ﻓﻘﺮﺭ ﻳﺠﻴﺐ ﻣﺮﺑﻴﻪ ﺗﻘﻌﺪ ﻣﻊ ﺍﻭﻻﺩﻩ ﻭﻓﻌﻼ ﺑﺪﺃ ﻳﺤﻂ ﺍﻟﻤﻮﺍﺻﻔﺎﺕ ﺍﻧﻪ ﺗﻜﻮﻥ ﺟﺎﻣﻌﻴﻪ ﻭﺑﺘﻌﺮﻑ ﺍﻧﺠﻠﻴﺰﻱ ﻋﺸﺎﻥ ﻣﺪﺭﺳﻪ ﺍﺑﻨﻪ ﻟﻐﺎﺕ ﻭ ﻻ ﻳﺰﻳﺪ ﺳﻨﻬﺎ ﻋﻦ 45 ﻋﺸﺎﻥ ﺗﻘﺪﺭ ﻋﻠﻲ ﺧﺪﻣﺘﻬﻢ ﻭﺗﻜﻮﻥ ... ﻭﺗﻜﻮﻥ ﻭﺗﻜﻮﻥ ..... ﺍﻟﺦ
ﻭﺑﺎﻟﻔﻌﻞ ﺗﻘﺪﻣﺖ ﻭﺍﺣﺪﻩ ﻟﻠﻮﻇﻴﻔﻪ ﻓﻲ ﻣﻨﺘﺼﻒ ﺍﻟﺜﻼﺛﻴﻨﺎﺕ ﻭ ﺑﺪﺃﺕ ﻛﻼﻣﻬﺎ ﺍﻧﺎ ﻣﺨﻠﺼﻪ ﻛﻠﻴﻪ ﺍﻟﺴﻦ ﻭ ﺑﺘﻜﻠﻢ ﺍﻧﺠﻠﻴﺰﻱ ﻭﻓﺮﻧﺴﺎﻭﻱ ﺑﻄﻼﻗﻪ ... ﺍﻧﺎ ﺷﻔﺖ ﺍﻭﻻﺩﻙ ﻭ ﻫﺎﻗﺒﻞ ﺍﻟﻮﻇﻴﻔﻪ ﺩﻱ ﻻﻧﻲ ﻣﺤﺘﺎﺟﻪ ﻓﻠﻮﺱ ﻭﻫﻲ ﺩﻱ ﺷﺮﻭﻃﻲ
ﺍﻧﺎ ﻣﺮﺗﺒﻲ 2000 ﺟﻨﻴﻪ ﻗﻲ ﺍﻟﺸﻬﺮ ﻟﺮﻋﺎﻳﻪ 3 ﺍﻭﻻﺩ ﻣﻨﻬﻢ ﻃﻔﻞ ﺭﺿﻴﻊ
ﺍﻧﺎ ﻣﺴﺌﻮﻟﻪ ﻋﻦ ﺍﻻﻭﻻﺩ ﺑﺲ ﻋﻦ ﻧﻮﻣﻬﻢ ﻭﺻﺤﺎﻳﻨﺎﻫﻢ ﻭﺃﻛﻠﻬﻢ ﻭﻧﻀﺎﻓﺘﻬﻢ ﺍﻟﺸﺨﺼﻴﻪ ﻭ ﺃﺗﺄﻛﻴﺪ ﺍﻧﻬﻢ ﺧﻠﺼﻮﺍ ﻣﺬﺍﻛﺮﺗﻬﻢ ﻭﺫﺍﻛﺮﻭﺍ ﻛﻮﻳﺲ ﻭﻟﻮ ﻋﺎﻳﺰﻧﻲ ﺍﺫﺍﻛﺮ ﻟﻬﻢ ﺑﻨﻔﺴﻲ ﻫﻨﺰﻭﺩ 300 ﺟﻨﻴﻪ ﻣﺶ ﻫﺎﻧﻀﻒ ﻭﻣﺶ ﻫﺎﻛﻨﺲ ﻭﻣﺶ ﻫﺎﻏﺴﻞ ﻣﻮﺍﻋﻴﻦ ﻭ ﻣﺶ ﻫﺎﻃﺒﺦ ﻭﻣﺶ ﻫﺎﻏﺴﻞ ﻫﺪﻭﻡ ﺑﺲ ﻟﻮ ﻋﺎﻳﺰﻧﻲ ﺍﻧﺎ ﺍﻋﻤﻞ ﺍﻛﻞ ﻟﻼﻭﻻﺩ ﻋﺸﺎﻥ ﻧﻀﻤﻦ ﻧﻀﺎﻓﺘﻪ ﻫﻨﺰﻭﺩ 400 ﺟﻨﻴﻪ ﻭﻣﺶ ﻫﺎﻧﺰﻝ ﺍﻟﺴﻮﻕ ﺗﺠﻴﺒﻠﻲ ﺍﻻﻛﻞ ﻭﺗﻘﻮﻟﻲ ﺍﻃﺒﺦ ﺍﻳﻪ ﻭﻣﻤﻜﻦ ﺍﻏﺴﻞ ﻫﺪﻭﻡ ﺍﻟﻄﻔﻞ ﺍﻟﺮﺿﻴﻊ ﻭﺍﻧﺸﺮﻫﻢ ﻻﻧﻪ ﺑﻴﻐﻴﺮ ﻋﻠﻲ ﻃﻮﻝ ﻭﻫﻴﺤﺘﺎﺝ ﻫﺪﻭﻡ ﻣﺘﻮﺍﺻﻞ ﻭﻛﺪﺍ ﻫﻨﺰﻭﺩ 200 ﺟﻨﻴﻪ ﻟﻮ ﻳﻌﺎﻧﻲ ﺍﻱ ﻃﻔﻞ ﻣﻦ ﺍﻃﻔﺎﻟﻚ ﻣﻦ ﻣﺮﺽ ﻣﻌﻴﻦ ﺯﻱ ﺣﺴﺎﺳﻴﻪ ﺍﻟﺼﺪﺭ ﺍﻭ ﺍﻟﺴﻜﺮ ﺍﻭ ﺍﻱ ﻣﺮﺽ ﻣﻦ ﺍﻟﻠﻲ ﺑﻴﺤﺘﺎﺝ ﺭﻋﺎﻳﻪ ﺧﺎﺻﻪ ﻳﺒﻘﻲ ﺣﻀﺮﺗﻚ ﻫﻨﺰﻭﺩ
300 ﺟﻨﻴﻪ
ﺍﻣﺎ ﺑﻘﻲ ﺗﻨﻀﻴﻒ ﺍﻟﺸﻘﻪ ﻭﺍﻟﺘﻨﻔﻴﺾ ﻭﺍﻟﻤﺴﺢ ﻭﺍﻟﻜﻨﺲ ﺩﺍ ﻭﻏﺴﻴﻠﻚ ﺍﻧﺖ ﻭﻭﻻﺩﻙ ﺍﻟﻜﺒﺎﺭ .. ﻑ ﻻ ﻳﻤﻜﻦ ﺍﺑﺪﺍ ﺍﻋﻤﻞ ﺣﺎﺟﻪ ﻣﻨﻬﺎ ﻭ ﺣﻀﺮﺗﻚ ﻫﺘﻀﻄﺮ ﺗﺠﻴﺐ ﺷﻐﺎﻟﻪ ﺗﻌﻤﻞ ﺍﻟﺤﺎﺟﺎﺕ ﺩﻱ
ﺍﻟﺠﻤﻌﻪ ﺩﻱ ﺍﺟﺎﺯﺗﻲ ... ﻳﻮﻣﻲ ﻟﻮﺣﺪﻱ ﻫﺎﺧﺮﺝ ﺍﺭﻭﺡ ﻻﻫﻠﻲ ﻭﺍﺧﺮﺝ ﻣﻊ ﺍﺻﺤﺎﺑﻲ ﻭ ﻭﻣﺶ ﻣﺴﻤﻮﺡ ﺣﺘﻲ ﺑﺎﻻﺗﺼﺎﻝ ﺍﻟﺘﻠﻴﻔﻮﻧﻲ ﺍﻻ ﻓﻲ ﺣﺎﻻﺕ ﺍﻟﻀﺮﻭﺭﻩ ﺍﻟﻘﺼﻮﻱ
ﻫﺎ ﻋﺪﻳﺖ ﻭﺭﺍﻫﺎ ؟ ﺣﺴﺒﺖ !؟
ﺍﻟﺴﺆﺍﻝ ﻫﻮﺍ ﺑﻘﻲ ﺑﻜﻢ ﺗﺪﻳﻦ ﻟﺰﻭﺟﺘﻚ ...ﺍﺣﺴﺐ ﻛﺪﺍ ﻋﻠﻴﻚ ﻟﻴﻬﺎ ﻛﺎﻡ ... ﻋﺮﻓﺖ ﻟﻴﻪ ﺭﺑﻨﺎ سبحانه ﻭﺗﻌﺎﻟﻲ ﺃﺧﺬ ﻣﻨﻚ ﻣﻴﺜﺎﻗﺎ ﻏﻠﻴﻈﺎ ... ﻋﺸﺎﻧﻬﺎ ... ﻫﻲ ﻣﺶ ﻋﺎﻳﺰﻩ ﻓﻠﻮﺱ ﻧﻈﻴﺮ ﺧﺪﻣﺘﻚ ﻭﺧﺪﻣﻪ ﺍﻭﻻﺩﻙ ﺑﺎﻟﻌﻜﺲ ﺩﻱ ﺑﺘﻌﻤﻞ ﻛﺪﺍ ﻭﺯﻳﺎﺩﻩ ﻭﺯﻳﺎﺩﻩ ﻭﺯﻳﺎﺩﻩ ﺑﺤﺐ ﻭﺭﺿﺎ ﻭﻃﻴﺐ ﺧﺎﻃﺮ .... ﻳﻮﻡ ﻣﺎ
ﺑﺘﻀﺤﻚ ﻓﻲ ﻭﺷﻬﺎ ﻭﺗﻘﻮﻟﻬﺎ ﺗﺴﻠﻢ ﺍﻳﺪﻙ ﻭﻻ ﺗﻘﻮﻟﻬﺎ ﺍﻳﻪ ﺍﻟﺤﻼﻭة ﺩﻱ ... عاملة إيه النهاردة .. سلامتك ..ﻋﻨﺪﻫﺎ ﺑﻜﻨﻮﺯ ﺍﻟﺪﻧﻴﺎ
ﺍﺗﻘﻮﺍ ﺍﻟﻠﻪ ﻓﻲ ﻧﺴﺎئكم .... ﻭﻋﺎﻣﻞ ﻣﺮﺍﺗﻚ ﺯﻱ ﻣﺎﺗﺤﺐ ﺍﻥ ﺑﻨﺘﻚ ﺗﺘﻌﺎﻣﻞ ﺑﻌﺪ ﻛﺪﺍ .... ﻟﻮ ﺑﻨﺘﻚ ﻏﺎﻟﻴة ﻋﻨﺪﻙ ﻣﺮﺍﺗﻚ ﻏﺎﻟﻴة ﻋﻨﺪ ﺍﺑﻮﻫﺎ ﻭﻛﺎﻧﺖ ﺍﻣﻴﺮة ﻣﺪﻟﻠﻪ ﻓﻲ ﺑﻴﺘﻬﻢ ﺯﻱ ﻣﺎﻧﺖ ﺑﺘﻌﻤﻞ ﻣﻊ ﺑﻨﺘﻚ ﻭﺍﺣﻴﺎﻧﺎ ﺍﻛﺘﺮ
ﺧﺬ ﺑﻮﺻﻴﻪ ﺣﺒﻴﺒﻚ ﺍﻟﻤﺼطفى 'ﺻﻞ ﺍﻟﻠﻪ ﻋﻠﻴﻪ ﻭﺳﻠﻢ' ﺣﻴﻨﻤﺎ ﺍﻭﺻﻲ ﻋﻠﻴﻬﺎ ﻓﻲ ﺧﻄﺒﻪ ﺍﻟﻮﺩﺍﻉ "ﺃﻭﺻﻴﻜﻢ ﺑﺎﻟﻨﺴﺎﺀ ﺧﻴﺮﺍ " ﻭﺣﻴﻦ ﻗﺎﻝ ﺭﻓﻘﺎ ﺑﺎﻟﻘﻮﺍﺭﻳﺮ ..... ﻭﺣﻴﻦ ﻗﺎﻝ ﺧﻴﺮﻛﻢ ﺧﻴﺮﻛﻢ ﻷﻫﻠﻪ ﻭﺍﻧﺎ ﺧﻴﺮﻛﻢ ﻷﻫﻠﻲ ..... ﺻﺪﻕ ﺭﺳﻮﻝ ﺍﻟﻠﻪ
ﺍﺗﻘﻮﺍ ﺍﻟﻠﻪ ﻟﺘﺴﻌﺪﻭﺍ ﻭﺗﻬﻨﺄﻭا ﺑﺤﻴﺎﺗﻜﻢ ﻻ ﺗﻮﺟﺪ ﺣﻴﺎﻩ ﺗﻌﻴﺴة ﻭﻟﻜﻦ ﻳﻮﺟﺪ ﻣﻦ ﻳﺘﻌﺴﻮﺍ ﺍﻧﻔﺴﻬﻢ
"ﺭﺑﻨﺎ ﻫﺐ ﻟﻨﺎ ﻣﻦ ﺃﺯﻭﺍﺟﻨﺎ ﻭﺫﺭﻳﺎﺗﻨﺎ ﻗﺮﻩ ﺃﻋﻴﻦ ﻭﺍﺟﻌﻠﻨﺎ ﻟﻠﻤﺘﻘﻴﻦ ﺇﻣﺎﻣﺎ "
0 التعليقات:
إرسال تعليق